1 Aleluja.
Është mirë t'i këndojmë himne Perëndisë tonë,
është e këndshme dhe e hijshme ta lavdërojmë.
2 Është Zoti që e ndërton sërish Jerusalemin
dhe të mërguarit e Izraelit i mbledh tok.
3 Ai i shëron zemërthyerit
dhe plagët e tyre i lidh.
4 Numrin e yjeve ai e njeh,
i thërret të gjithë me emër.
5 I madh është Zoti ynë,
e madhe fuqia e tij,
e pakufishme mençuria e tij.
6 Zoti i lartëson të mjerët,
ndërsa të paudhët i rrëzon përdhe.
7 Këndojini Zotit me falënderim,
këndojini himne me harpë Perëndisë tonë!
8 Ai e mbulon qiellin me re,
ai i përgatit shiun tokës,
ai bën të mbijë bari maleve.
9 Ai ua jep ushqimin bagëtive
dhe zogjve të korbit, kur krakëllijnë.
10 Fuqinë e kalit nuk e vlerëson
e as kënaqet me pulpat e trimit.
11 Zotit i pëlqejnë ata që e druajnë,
ata që shpresojnë në mirësinë e tij.
12 Përlëvdoje Zotin, o Jerusalem,
lavdëroje Perëndinë tënd, o Sion!
13 Se shulat e portave të tua i forcoi,
bijtë e tu i bekoi në gjirin tënd.
14 Ai i ruan trojet e tua në paqe,
ai të ngin me grurin më të mirë.
15 Urdhër ai dërgon mbi tokë,
fjala e tij përhapet me shpejtësi.
16 Borën e hedh porsi lesh,
brymën e derdh porsi hi.
17 Breshrin e lëshon si thërrime,
kush i bën ballë të ftohtit të tij?
18 Dërgon fjalën e tij dhe i shkrin,
lëshon erën dhe ujërat rrjedhin.
19 Fjalën e tij ia kumton Jakobit,
rregullat dhe vendimet e tij, Izraelit.
20 Nuk veproi kështu me asnjë komb
dhe vendimet e tij ata nuk i njohin.
Aleluja!
12 lauda Hierusalem Dominum
cane Deum tuum Sion
13 quia confortavit vectes portarum tuarum
benedixit filiis tuis in medio tui
14 qui posuit terminum tuum pacem
adipe frumenti saturavit te
15 qui emittit eloquium suum terrae
velociter curret verbum eius
16 qui dat nivem quasi lanam pruinas quasi cinerem spargit
17 proicit glaciem suam quasi buccellas
ante faciem frigoris eius quis stabit
18 mittet verbum suum et solvet illa
spirabit spiritu suo et fluent aquae
19 qui adnuntiat verbum suum Iacob
praecepta sua et iudicia sua Israhel
20 non fecit similiter omni genti
et iudicia eius non cognoscent alleluia