Çlirimtari i Izraelit
1 E tani kështu thotë Zoti,
ai që të krijoi, o Jakob,
ai që të dha trajtë, o Izrael:
mos ki frikë, se të kam shpenguar,
të kam thirrur me emër, i imi je ti!
2 Kur të kalosh përmes ujërave, me ty do të jem,
kur të përshkosh lumenjtë, nuk do të mbytesh,
se do të kalosh nëpër zjarr e s'do të digjesh,
flaka ty nuk do të të përvëlojë,
3 se unë jam Zoti, Perëndia yt,
i shenjti i Izraelit, shpëtimtari yt.
Për ty dhashë si peng Egjiptin,
me ty këmbeva Kushin e Sebën.
4 Ti je i çmuar në sytë e mi,
ke vlerë e unë të dua.
I jap njerëzit në këmbim për ty,
popujt në këmbim të jetës sate.
5 Mos ki frikë, se unë jam me ty,
pasardhësit e tu do t'i kthej prej lindjes,
do t'ju mbledh bashkë prej perëndimit.
6 Veriut do t'i them: «Dorëzoma!»
e jugut: «Mos i mbaj!».
Ktheji bijtë e mi prej së largu,
bijat e mia prej skajeve të tokës,
7 tërë ata që thirren me emrin tim,
që i krijova për nderin tim,
që u dhashë trajtë e i bëra.
8 Nxirre jashtë popullin e verbër,
ndonëse ka sy,
popullin e shurdhër,
ndonëse ka veshë.
9 Gjithë kombet le të mblidhen bashkë,
popujt le të bashkohen!
Kush prej tyre e shpalli këtë
apo na i paratha gjërat e kaluara?
Le të sjellin, pra, dëshmi, për t'u përligjur,
le t'i dëgjojnë, që të thonë: «Është e vërtetë!».
10 Ju jeni dëshmitarët e mi, kumton Zoti,
shërbëtorët e mi, që vetë i zgjodha,
që të më njihni e të besoni në mua,
që të kuptoni se unë jam.
Para meje nuk kishte asnjë perëndi
e pas meje tjetër s'do të ketë.
11 Unë e vetëm unë jam Zoti,
veç meje shpëtimtar tjetër s'ka.
12 Unë shpalla e unë shpëtova, unë parathashë
e perëndi tjetër mes jush s'kishte.
Ju jeni dëshmitarët e mi, kumton Zoti,
e unë jam Perëndia.
13 Që prej amshimit unë jam po ai,
asgjë s'i shpëton dorës sime,
çka bëj unë, kush mund ta zhbëjë?
14 Kështu thotë Zoti,
shpenguesi yt, i shenjti i Izraelit:
Për hirin tënd do ta sulmoj Babiloninë
e do t'i rrëzoj të gjithë vargonjtë.
Brohoritjet e kaldenjve
në kujë do t'i kthej.
15 Unë jam Zoti, i shenjti juaj,
krijuesi i Izraelit, mbreti yt.
16 Kështu thotë Zoti, që udhë hapi në det,
shteg kalimi mes ujërave të furishme,
17 që bëri të dalin karroca lufte e kuaj,
ushtri e luftëtarë trima,
që u plandosën e më s'u ngritën,
që u shuan e si kandili u fikën:
18 Mos i kujtoni më ngjarjet e shkuara,
ndodhitë e qëmoçme mos i mendoni.
19 Ja, po bëj një gjë të re,
një gjë që tani po çel!
A nuk e shihni?
Udhën po hap përmes shkretëtirës,
lumenj në vendin e shkretë.
20 Egërsirat do të më japin lavdi,
çakejtë e këlyshët e strucit,
se ujin çova në shkretëtirë,
lumenjtë në vendin e shkretë,
që t'i jap për të pirë popullit tim,
të zgjedhurit tim,
21 popullit që e krijova për vete
e që do të shpallë lavdinë time.
22 Por ti nuk më thirre mua, o Jakob,
përkundrazi, u lodhe me mua, o Izrael.
23 S'më kushtove qengja si fli shkrumbimi,
me flitë e tua nuk më nderove,
s't'u bëra barrë e s'të kërkova fli,
nuk të lodha e s'të kërkova temjan.
24 Për mua s'bleve me para kanellë,
nuk më ngope me dhjamin e flive të tua.
Përkundrazi, më rëndove me mëkatet e tua,
me paudhësitë e tua më lodhe.
25 Unë, unë jam ai që, për hirin tim,
i shlyej paudhësitë e tua,
e mëkatet e tua nuk i kujtoj.
26 Bëmë të kujtohem e le të bëjmë gjyq bashkë,
fol e përligj vetveten.
27 Ati yt i parë mëkatoi,
ndërmjetësit e tu u ngritën kundër meje.
28 Prandaj prijësit e shenjtërores i çnderova,
Jakobin ia dorëzova shfarosjes
dhe Izraelin poshtërimit.
1 et nunc haec dicit Dominus creans te Iacob et formans te Israhel
noli timere quia redemi te
et vocavi nomine tuo meus es tu
2 cum transieris per aquas tecum ero et flumina non operient te
cum ambulaveris in igne non conbureris
et flamma non ardebit in te
3 quia ego Dominus Deus tuus Sanctus Israhel salvator tuus
dedi propitiationem tuam Aegyptum
Aethiopiam et Saba pro te
4 ex quo honorabilis factus es in oculis meis et gloriosus ego dilexi te
et dabo homines pro te et populos pro anima tua
5 noli timere quoniam tecum ego sum
ab oriente adducam semen tuum et ab occidente congregabo te
6 dicam aquiloni da et austro noli prohibere
adfer filios meos de longinquo et filias meas ab extremis terrae
7 et omnem qui invocat nomen meum
in gloriam meam creavi eum
et formavi eum et feci eum
8 educ foras populum caecum et oculos habentem
surdum et aures ei sunt
9 omnes gentes congregatae sunt simul et collectae sunt tribus
quis in vobis adnuntiet istud
et quae prima sunt audire nos faciat
dent testes eorum et iustificentur et audiant et dicant vere
10 vos testes mei dicit Dominus et servus meus quem elegi
ut sciatis et credatis mihi et intellegatis quia ego ipse sum
ante me non est formatus deus et post me non erit
11 ego sum ego sum Dominus et non est absque me salvator
12 ego adnuntiavi et salvavi auditum feci et non fuit in vobis alienus
vos testes mei dicit Dominus et ego Deus
13 et ab initio ego ipse et non est qui de manu mea eruat
operabor et quis avertet illud
14 haec dicit Dominus redemptor vester Sanctus Israhel
propter vos emisi Babylonem et detraxi vectes universos
et Chaldeos in navibus suis gloriantes
15 ego Dominus Sanctus vester creans Israhel Rex vester
16 haec dicit Dominus
qui dedit in mari viam et in aquis torrentibus semitam
17 qui eduxit quadrigam et equum agmen et robustum
simul obdormierunt nec resurgent
contriti sunt quasi linum et extincti sunt
18 ne memineritis priorum et antiqua ne intueamini
19 ecce ego facio nova et nunc orientur utique cognoscetis ea
ponam in deserto viam et in invio flumina
20 glorificabit me bestia agri dracones et strutiones
quia dedi in deserto aquas flumina in invio
ut darem potum populo meo electo meo
21 populum istum formavi mihi laudem meam narrabit
22 non me invocasti Iacob nec laborasti in me Israhel
23 non obtulisti mihi arietem holocausti tui
et victimis tuis non glorificasti me
non te servire feci in oblatione
nec laborem tibi praebui in ture
24 non emisti mihi argento calamum
et adipe victimarum tuarum non inebriasti me
verumtamen servire me fecisti in peccatis tuis
praebuisti mihi laborem in iniquitatibus tuis
25 ego sum ego sum ipse qui deleo iniquitates tuas propter me
et peccatorum tuorum non recordabor
26 reduc me in memoriam et iudicemur simul
narra si quid habes ut iustificeris
27 pater tuus primus peccavit
et interpretes tui praevaricati sunt in me
28 et contaminavi principes sanctos
dedi ad internicionem Iacob et Israhel in blasphemiam