1 Në ato ditë filistinët mblodhën ushtritë për të sulmuar Izraelin. Akishi i tha Davidit: «Dije mirë se ti e njerëzit e tu do të dalin në luftë bashkë me mua». 2 Davidi i tha: «Do ta marrësh vesh se çfarë mund të bëjë shërbëtori yt». Akishi ia ktheu: «Do të jesh truproja ime përgjithmonë».
Sauli dhe shortarja
3 Samueli kishte vdekur dhe tërë Izraeli e kishte vajtuar. E kishin varrosur në Ramah, në qytetin e vet. Sauli i kishte dëbuar nga vendi shortarët dhe ata që thërrasin shpirtra të vdekurish.
4 Filistinët u mblodhën e fushuan në Shunem. Sauli bashkë me tërë Izraelin fushoi në Gilboa. 5 Kur Sauli pa fushimin e filistinëve, u frikësua e iu drodh zemra fort. 6 Ai pyeti Zotin, por Zoti nuk iu përgjigj as në ëndrra, as me Urimë, as përmes profetëve. 7 Atëherë u tha shërbëtorëve: «Më gjeni një grua që thërret shpirtra të vdekurish. Do të shkoj tek ajo për ta pyetur». Shërbëtorët i thanë: «Në Endor është një grua që thërret shpirtra të vdekurish!».
8 Sauli ndërroi rrobat, që të mos njihej, e shkoi atje me dy burra. Kur mbërritën te gruaja, ishte natë. Ai i tha: «Thirr shpirtrat e të vdekurve e ngri atë që të them unë». 9 Gruaja iu përgjigj: «Ti e di mirë çfarë ka bërë Sauli. Ai i ka zhbirë nga faqja e dheut shortarët dhe ata që thërrasin shpirtra të vdekurish. Përse po më ngre kurth? Që të më vrasin?». 10 Sauli iu betua për Zotin e i tha: «Pasha Zotin nuk do të dënohesh për këtë». 11 Ajo i tha: «Kë dëshiron të thërras?». Ai i tha: «Më thirr Samuelin». 12 Kur gruaja pa Samuelin, bërtiti me të madhe e i tha Saulit: «Pse më mashtrove? Ti qenke Sauli!». 13 Por mbreti i tha: «Mos ki frikë! Çfarë pe?». Gruaja i tha Saulit: «Shoh një hyjni që po ngrihet prej tokës». 14 Ai e pyeti: «Ç'pamje ka?». Ajo tha: «Po ngrihet një plak, mbështjellë me gunë». Atëherë Sauli e kuptoi që ishte Samueli, prandaj ra me fytyrë përdhe dhe e nderoi.
15 Samueli i tha Saulit: «Përse më trazove e më ngrite?». Sauli i tha: «Gjendem shumë ngushtë. Filistinët po më sulmojnë dhe Perëndia është larguar prej meje. Nuk më përgjigjet as përmes profetëve e as në ëndrra. Të kam thirrur të më tregosh çfarë të bëj». 16 Samueli iu përgjigj: «Pse më pyet mua? Zoti është larguar prej teje dhe e ke kundër. 17 Zoti ka vepruar siç kishte thënë përmes meje. Ai ta ka hequr mbretërinë prej dorës e ia ka dhënë të afërtit tënd, Davidit. 18 Ti nuk e dëgjove zërin e Zotit e nuk e zbatove dënimin e tij kundër amalekitëve, prandaj Zoti ta bëri sot këtë gjë. 19 Zoti do të dorëzojë edhe Izraelin në duart e filistinëve bashkë me ty. Nesër ti e bijtë e tu do të vini këtu ku jam unë, se Zoti do t'ua dorëzojë filistinëve fushimin e Izraelit».
20 Sauli u shemb i tëri përdhe nga tmerri i fjalëve të Samuelit. E lanë edhe fuqitë, se nuk kishte ngrënë gjithë ditën e gjithë natën. 21 Gruaja iu afrua Saulit, e pa të tmerruar e i tha: «Ja, shërbëtorja jote ta dëgjoi zërin. E vura jetën në rrezik e i dëgjova fjalët që më the. 22 Dëgjoja fjalën shërbëtores sate e më lër të të nxjerr pak bukë. Ha që të kesh fuqi për udhë». 23 Ai nuk pranoi të hante, por shërbëtorët e gruaja ngulën këmbë dhe ai i dëgjoi. Pastaj u ngrit nga toka e u ul në shtrat. 24 Gruaja kishte në shtëpi një viç të majmë. E theri me të shpejtë, pastaj mori miell e poqi bukë të ndorme. 25 Ua shtroi para Saulit e shërbëtorëve të tij e ata hëngrën. Pastaj u ngritën e shkuan po atë natë.
1 factum est autem in diebus illis
congregaverunt Philisthim agmina sua
ut praepararentur ad bellum contra Israhel
dixitque Achis ad David
sciens nunc scito quoniam mecum egredieris in castris tu et viri tui
2 dixitque David ad Achis
nunc scies quae facturus est servus tuus
et ait Achis ad David
et ego custodem capitis mei ponam te cunctis diebus
3 Samuhel autem mortuus est planxitque eum omnis Israhel
et sepelierunt eum in Rama urbe sua
et Saul abstulit magos et ariolos de terra
4 congregatique sunt Philisthim
et venerunt et castrametati sunt in Sunam
congregavit autem et Saul universum Israhel et venit in Gelboe
5 et vidit Saul castra Philisthim et timuit
et expavit cor eius nimis
6 consuluitque Dominum et non respondit ei
neque per somnia neque per sacerdotes neque per prophetas
7 dixitque Saul servis suis
quaerite mihi mulierem habentem pythonem
et vadam ad eam et sciscitabor per illam
et dixerunt servi eius ad eum
est mulier habens pythonem in Aendor
8 mutavit ergo habitum suum vestitusque est aliis vestimentis
abiit ipse et duo viri cum eo
veneruntque ad mulierem nocte
et ait divina mihi in pythone
et suscita mihi quem dixero tibi
9 et ait mulier ad eum ecce tu nosti quanta fecerit Saul
et quomodo eraserit magos et ariolos de terra
quare ergo insidiaris animae meae ut occidar
10 et iuravit ei Saul in Domino dicens vivit Dominus
quia non veniet tibi quicquam mali propter hanc rem
11 dixitque ei mulier quem suscitabo tibi
qui ait Samuhelem suscita mihi
12 cum autem vidisset mulier Samuhelem
exclamavit voce magna et dixit ad Saul
quare inposuisti mihi tu es enim Saul
13 dixitque ei rex noli timere quid vidisti
et ait mulier ad Saul deos vidi ascendentes de terra
14 dixitque ei qualis est forma eius
quae ait vir senex ascendit et ipse amictus est pallio
intellexit Saul quod Samuhel esset
et inclinavit se super faciem suam in terra et adoravit
15 dixit autem Samuhel ad Saul quare inquietasti me ut suscitarer
et ait Saul coartor nimis
siquidem Philisthim pugnant adversum me
et Deus recessit a me et exaudire me noluit
neque in manu prophetarum neque per somnia
vocavi ergo te ut ostenderes mihi quid faciam
16 et ait Samuhel quid interrogas me
cum Dominus recesserit a te et transierit ad aemulum tuum
17 faciet enim Dominus tibi sicut locutus est in
manu mea
et scindet regnum de manu tua
et dabit illud proximo tuo David
18 quia non oboedisti voci Domini
neque fecisti iram furoris eius in Amalech
idcirco quod pateris fecit tibi Dominus hodie
19 et dabit Dominus etiam Israhel tecum in manu
Philisthim
cras autem tu et filii tui mecum eritis
sed et castra Israhel tradet Dominus in manu Philisthim
20 statimque Saul cecidit porrectus in terram
extimuerat enim verba Samuhel
et robur non erat in eo quia non comederat panem tota die illa
21 ingressa est itaque mulier ad Saul et ait
conturbatus enim erat valde
dixitque ad eum ecce oboedivit ancilla tua voci tuae
et posui animam meam in manu mea
et audivi sermones tuos quos locutus es ad me
22 nunc igitur audi et tu vocem ancillae tuae
ut ponam coram te buccellam panis
et comedens convalescas
ut possis iter facere
23 qui rennuit et ait non comedam
coegerunt autem eum servi sui et mulier
et tandem audita voce eorum
surrexit de terra et sedit super lectum
24 mulier autem illa habebat vitulum pascualem in domo
et festinavit et occidit eum
tollensque farinam miscuit eam et coxit azyma
25 et posuit ante Saul et ante servos eius
qui cum comedissent surrexerunt
et ambulaverunt per totam noctem illam