Hebrenjtë në Egjipt
1 Fjala iu drejtua Jeremisë për të gjithë judenjtë, që banonin në dheun e Egjiptit, në Migdol, në Tahpanhes, në Memfis e në dheun e Patrosit, e i tha: 2 «Kështu thotë Zoti i ushtrive, Perëndia i Izraelit: ju e patë tërë zezonën që çova kundër Jerusalemit e kundër të gjitha qyteteve të Judës. Ja, sot janë të shkretuara e pa banorë, 3 për shkak të ligësisë që kryen, për të më zemëruar, duke shkuar për t'u kushtuar temjan e për t'u shërbyer perëndive të tjerë, që nuk i njihnit as ju, as etërit tuaj. 4 Unë ju kam dërguar pareshtur të gjithë shërbëtorët e mi, profetët, për t'ju thënë: mos e bëni këtë pështirësi, që unë e urrej, 5 por ata nuk më dëgjuan e nuk ma vunë veshin për të hequr dorë nga ligësia e tyre e për të mos u kushtuar temjan perëndive të tjerë. 6 Prandaj, zemërimi im e hidhërimi im u zbrazën e u ndezën në qytetet e Judës e në rrugët e Jerusalemit, që u shkatërruan e u shkretuan, siç janë edhe sot. 7 Prandaj, kështu thotë Zoti, Perëndia i ushtrive, Perëndia i Izraelit: pse po e kryeni këtë ligësi të madhe kundër vetes suaj, sa të zhbihen prej jush burri e gruaja, fëmija e foshnja, e të mos mbesë prej jush një tepricë? 8 Pse më zemëroni me veprat e duarve tuaja, duke u kushtuar temjan perëndive të huaj në dheun e Egjiptit, ku keni ardhur për të banuar, që të zhbiheni e të bëheni mallkim e tallje mes të gjitha kombeve të dheut? 9 A i keni harruar ligësitë e etërve tuaj, ligësitë e mbretërve të Judës, ligësitë e prijësve tuaj, ligësitë tuaja e të grave tuaja, që kryet në dheun e Judës e në rrugët e Jerusalemit? 10 Nuk janë penduar deri më sot, nuk janë druajtur e nuk kanë ecur sipas ligjit tim e rregullave të mia që ju parashtrova juve dhe etërve tuaj.
11 Prandaj, kështu thotë Zoti i ushtrive, Perëndia i Izraelit: ja, po kthej fytyrën kundër jush për keq e për ta zhbirë tërë Judën. 12 Do ta marr tepricën e Judës, që vendosi të vinte e të banonte në dheun e Egjiptit, do të marrin fund të gjithë në dheun e Egjiptit, do të bien prej shpatës e prej urisë do të marrin fund që nga më i vogli te më i madhi. Prej shpatës e prej urisë do të vdesin e do të bëhen mallkim, tmerr, nëmë e tallje. 13 Do t'i ndëshkoj ata që banojnë në dheun e Egjiptit, siç ndëshkova Jerusalemin, me shpatë, me uri e me murtajë. 14 Nuk do të shpëtojë as do të ikë askush nga teprica e Judës që ka ardhur për të banuar në dheun e Egjiptit për t'u kthyer në dheun e Judës, ku dëshirojnë të kthehen për të banuar. Nuk do të kthehen, përveç disa të ikurve».
15 Atëherë të gjithë burrat që e dinin se gratë e tyre u kishin kushtuar temjan perëndive të tjerë dhe të gjitha gratë e pranishme, pra një bashkësi e madhe, dhe mbarë populli që banonte në Patros, në dheun e Egjiptit, u përgjigjën: 16 «Për fjalën që the në emër të Zotit ne nuk do të të dëgjojmë, 17 por do të bëjmë gjithçka kemi premtuar, do t'i kushtojmë temjan mbretëreshës së qiejve e do të kushtojmë fli stërpikjeje, siç kemi bërë ne dhe etërit tanë, mbretërit e prijësit tanë në qytetet e Judës e në rrugët e Jerusalemit, se qemë të nginjur me ushqim, patëm begati e nuk pamë asnjë fatkeqësi. 18 Që kur nuk i kushtojmë më temjan e fli stërpikjeje mbretëreshës së qiellit, na ka munguar gjithçka e morëm fund prej shpatës e prej urisë». 19 Ndërsa gratë thanë: «Kur i kushtojmë temjan e fli stërpikjeje mbretëreshës së qiellit, mos vallë pa burrat tanë ia bëjmë kuleçtë, sipas shëmbëllimit të saj, dhe i kushtojmë fli stërpikjeje?».
20 Jeremia i tha mbarë popullit, burrave, grave e të gjithë popullit që i kishte kthyer përgjigje: 21 «A nuk e kujton dhe a nuk e mban mend Zoti temjanin që kushtuat në qytetet e Judës e nëpër rrugët e Jerusalemit ju dhe etërit tuaj, mbretërit, prijësit tuaj e mbarë populli i vendit? 22 Zoti nuk mund t'i duronte më veprat tuaja të liga dhe pështirësitë që kryet, prandaj toka juaj u bë shkretim, tmerr, nëmë e pa banorë, siç është edhe sot. 23 Ju kushtuat temjan e mëkatuat kundër Zotit, nuk e dëgjuat zërin e Zotit dhe nuk ecët sipas ligjit të tij, sipas rregullave të tij dhe dëshmive të tij, prandaj ju ra kjo zezonë, siç është edhe sot».
24 Pastaj Jeremia i tha mbarë popullit dhe të gjitha grave: «Dëgjojeni fjalën e Zotit të gjithë ju judenjtë që jeni në Egjipt. 25 Kështu thotë Zoti i ushtrive, Perëndia i Izraelit: ju dhe gratë tuaja e keni shpallur me gojën tuaj dhe e keni zbatuar me duart tuaja, çfarë kishit thënë: “Ne do t'i përmbushim të gjitha zotimet që kemi bërë, për t'i kushtuar temjan e fli stërpikjeje mbretëreshës së qiellit”. Kryejini zotimet tuaja e zbatojini zotimet tuaja. 26 Megjithatë, dëgjojeni fjalën e Zotit, të gjithë ju judenj që banoni në dheun e Egjiptit. Ja, betohem për emrin tim të madh, thotë Zoti, se emri im nuk do të thirret më në dheun e Egjiptit nga goja e asnjë judeu që thotë: “Pasha Zotin, Zotin tim!”. 27 Ja, do t'i këqyr për keq e jo për mirë. Secili jude, që është në dheun e Egjiptit, do të goditet me shpatë e me uri, deri në shfarosje. 28 Të shpëtuarit nga shpata do të kthehen nga dheu i Egjiptit në dheun e Judës, të paktë në numër, ndërsa mbarë teprica e Judës, që shkoi të banojë në dheun e Egjiptit, do ta marrë vesh cila fjalë do të mbahet, e imja apo e tyrja. 29 Kjo do të jetë për ju shenja, kumton Zoti, se unë do ta ndëshkoj këtë vend, që ta merrni vesh se fjalët e mia do të mbahen për të keqen tuaj. 30 Kështu thotë Zoti: ja, do ta lë faraonin Hofra, mbretin e Egjiptit, në dorë të armiqve të tij dhe të atyre që duan t'ia marrin shpirtin, siç lashë Sedekinë, mbretin e Judës, në dorë të Nabukodonosorit, mbretit të Babilonisë, armikut të tij, që donte t'ia merrte shpirtin».
1 verbum quod factum est ad Hieremiam
ad omnes Iudaeos qui habitant in terra Aegypti
habitantes in Magdolo et in Tafnis
et in Memphis et in terra Fatures dicens
2 haec dicit Dominus exercituum Deus Israhel
vos vidistis omne malum istud
quod adduxi super Hierusalem et super omnes urbes Iuda
et ecce sunt desertae hodie et non est in eis habitator
3 propter malitiam quam fecerunt ut me ad iracundiam provocarent
et irent et sacrificarent et colerent deos alienos
quos nesciebant et illi et vos et patres vestri
4 et misi ad vos omnes servos meos prophetas
de nocte consurgens mittensque et dicens
nolite facere verbum abominationis huius quam odi
5 et non audierunt nec inclinaverunt aurem suam
ut converterentur a malis suis et non sacrificarent diis alienis
6 et conflata est indignatio mea et furor meus
et succensa est in civitatibus Iuda et in plateis Hierusalem
et versae sunt in solitudinem et vastitatem secundum diem hanc
7 et nunc haec dicit Dominus exercituum Deus Israhel
quare vos facitis malum grande contra animas vestras
ut intereat ex vobis vir et mulier
parvulus et lactans de medio Iudae
nec relinquatur vobis quicquam residuum
8 provocantes me in operibus manuum vestrarum
sacrificando diis alienis in terra Aegypti
in quam ingressi estis ut habitetis ibi
et dispereatis et sitis in maledictionem
et in obprobrium cunctis gentibus terrae
9 numquid obliti estis mala patrum vestrorum
et mala regum Iuda et mala uxorum eius
et mala vestra et mala uxorum vestrarum
quae fecerunt in terra Iuda et in regionibus Hierusalem
10 non sunt mundati usque ad diem hanc et non timuerunt
et non ambulaverunt in lege et in praeceptis meis
quae dedi coram vobis et coram patribus vestris
11 ideo haec dicit Dominus exercituum Deus Israhel
ecce ego pono faciem meam in vobis in malum
et disperdam omnem Iudam
12 et adsumam reliquias Iudae qui posuerunt facies suas
ut ingrederentur terram Aegypti et habitarent ibi
et consumentur omnes in terra Aegypti cadent
in gladio et in fame consumentur
a minimo usque ad maximum in gladio et in fame morientur
et erunt in iusiurandum et in miraculum
et in maledictionem et in obprobrium
13 et visitabo habitatores terrae Aegypti
sicut visitavi super Hierusalem
in gladio et in fame et in peste
14 et non erit qui effugiat et sit residuus de reliquiis
Iudaeorum
qui vadunt ut peregrinentur in terra Aegypti
et revertantur in terram Iuda
ad quam ipsi elevant animas suas ut revertantur et habitent ibi
non revertentur nisi qui fugerint
15 responderunt autem Hieremiae omnes viri
scientes quod sacrificarent uxores eorum diis alienis
et universae mulieres quarum stabat multitudo grandis
et omnis populus habitantium in terra Aegypti in Fatures dicens
16 sermonem quem locutus es ad nos in nomine Domini
non audiemus ex te
17 sed facientes faciemus omne verbum
quod egreditur de ore nostro
ut sacrificemus Reginae caeli et libemus ei libamina
sicut fecimus nos et patres nostri reges nostri et principes nostri
in urbibus Iuda et in plateis Hierusalem
et saturati sumus panibus
et bene nobis erat malumque non vidimus
18 ex eo autem quo cessavimus sacrificare
Reginae caeli
et libare ei libamina
indigemus omnibus et gladio et fame consumpti sumus
19 quod si nos sacrificamus Reginae caeli et libamus ei libamina
numquid sine viris nostris fecimus ei placentas
ad colendum eam et liba libandi
20 et dixit Hieremias ad omnem populum
adversum viros et adversum mulieres et adversum universam plebem
qui responderant ei verbum dicens
21 numquid non sacrificium quod sacrificastis in civitatibus
Iuda et in plateis Hierusalem
vos et patres vestri reges vestri et principes vestri et populus terrae
horum recordatus est Dominus et ascendit super cor eius
22 et non poterat Dominus ultra portare
propter malitiam studiorum vestrorum
et propter abominationes quas fecistis
et facta est terra vestra in desolationem
et in stuporem et in maledictum
eo quod non sit habitator sicut est dies haec
23 propterea quod sacrificaveritis idolis et peccaveritis
Domino
et non audieritis vocem Domini
et in lege et in praeceptis et in testimoniis eius non ambulaveritis
idcirco evenerunt vobis mala haec
sicut est dies haec
24 dixit autem Hieremias ad omnem populum et ad universas mulieres
audite verbum Domini omnis Iuda qui estis in terra Aegypti
25 haec inquit Dominus exercituum Deus Israhel dicens
vos et uxores vestrae locuti estis ore vestro
et manibus vestris implestis dicentes
faciamus vota nostra quae vovimus
ut sacrificemus Reginae caeli et libemus ei libamina
implestis vota vestra et opere perpetrastis ea
26 ideo audite verbum Domini
omnis Iuda qui habitatis in terra Aegypti
ecce ego iuravi in nomine meo magno ait Dominus
quia nequaquam ultra nomen meum vocabitur
ex ore omnis viri iudaei dicentis
vivit Dominus Deus in omni terra Aegypti
27 ecce ego vigilabo super eos in malum et non in bonum
et consumentur omnes viri Iuda qui sunt in terra Aegypti
gladio et fame donec penitus consumantur
28 et qui fugerint gladium
revertentur de terra Aegypti in terram Iuda viri pauci
et scient omnes reliquiae Iuda
ingredientium terram Aegypti ut habitent ibi
cuius sermo conpleatur meus an illorum
29 et hoc vobis signum ait Dominus
quod visitem ego super vos in loco isto
ut sciatis quia vere conplebuntur sermones mei contra vos in malum
30 haec dicit Dominus
ecce ego tradam Pharaonem Efree regem Aegypti in manu inimicorum eius
et in manu quaerentium animam illius
sicut tradidi Sedeciam regem Iuda
in manu Nabuchodonosor regis Babylonis
inimici sui et quaerentis animam eius