1 Allilluja. Do të lavduronj Zonë me gjithë zëmërë, ndë këshillë të drejtëvet, edhe ndë mbëledhëje.
2 Punët’ e Zotit janë të mëdha, të kërkuara prej gjithë atyreve që e pëlqenjënë.
3 Pun’ e ati është lavdurim e madhëri, edhe drejtëri e ati mbetetë ndë jetë të jetësë.
4 Pruri ndër mënt punët’ e tia të maniçimetë; Zoti është përdëllyes edhe i dhëmpshurë;
5 u dha ushqim atyreve që i kanë frikënë; do të mbanjë mënt përherë dhiatën’ e ti.
6 I dëfteu llauzit ti fuqin’ e punëvet tia, për të dhënë ndër ata trashëgim kombesh.
7 Punët’ e duaret ati janë drejtëri e gjyq; gjithë porosit’ e ati janë të vërteta,
8 të forcuara ndë jetët të jetësë; janë bërë me vërtetëri e me drejtëri.
9 Dërgoj çpërblim ndë llaust të ti; urdhëroi dhiatën’ e ti për gjithë jetënë; emër’ i ati ësht’ i shënjtëruarë e i frikçim.
10 Kryet’ e diturisë është frik’ e zotit; gjithë ata që punonjënë ato kanë mënt të mira, lavdurim’ i ati mbetetë ndë jetët të jetësë.
Alef
1 Aleluja! Do ta përlëvdoj Zotin me gjithë zemër
Bet
në kuvendin e të drejtëve, në mes të bashkësisë.
Gimel
2 Të mëdha janë veprat e Zotit,
Dalet
të gjithë ata që i dëshirojnë, i shqyrtojnë ato.
He
3 Shkëlqim e madhështi është vepra e tij,
Vau
drejtësia e tij mbetet përjetë.
Zain
4 Bëri mrekulli për t'u përkujtuar,
Het
i mëshirshëm e i dhembshur është Zoti.
Tet
5 I ushqen ata që e druajnë,
Jod
besëlidhjen e vet e kujton përjetë.
Kaf
6 I dëftoi popullit të vet fuqinë e veprave të tij,
Lamed
kur i dha trashëgiminë e kombeve.
Mem
7 Të vërteta e të drejta janë veprat e duarve të tij,
Nun
të besueshme janë të gjitha mësimet e tij.
Samek
8 Ato mbeten përjetë e në amshim,
Ain
janë bërë me vërtetësi e drejtësi.
Pe
9 E çliroi popullin e tij,
Cade
besëlidhjen me të e bëri të përjetshme,
Kof
i shenjtë e i tmerrshëm është emri i tij.
Resh
10 Fillimi i urtisë është droja e Zotit,
Sin
kush vepron me të, fiton mençuri.
Tau
Lavdia e tij mbetet përherë!