Predikimi i Gjon Pagëzorit
(Mk 1.1-8Lk 3.1-9, Lk 15-17Gjn 1.19-28)1 Ato ditë erdhi Gjon Pagëzori që predikonte në shkretëtirën e Judesë. 2 Ai thoshte: «Pendohuni, se mbretëria e qiejve është afër». 3 Ky është ai për të cilin është folur nga profeti Isai që ka thënë:
një zë thërret në shkretëtirë:
bëni gati udhën për Zotin,
drejtoni shtigjet e tij.
4 Gjoni ishte veshur me një rrobë prej leshi deveje dhe mbante një brez lëkure rreth ijëve. Ai ushqehej me karkaleca e mjaltë të egër.
5 Atëherë njerëz nga Jerusalemi, nga gjithë Judeja e nga mbarë krahina e Jordanit shkonin tek ai 6 dhe, duke rrëfyer haptazi mëkatet e tyre, pagëzoheshin prej tij në lumin Jordan. 7 Kur Gjoni pa se shumë farisenj e saducenj vinin për t'u pagëzuar tek ai, u tha: «Pjellë nepërkash! Kush ju mësoi t'i ikni zemërimit që po vjen? 8 Jepni fryte të denja pendimi 9 dhe mos mendoni se do t'i thoni vetes: kemi për atë Abrahamin. Unë po ju them se Perëndia mund t'i japë bij Abrahamit edhe nga këta gurë. 10 Sëpata gjendet tashmë te rrënjët e pemëve. Çdo pemë që nuk jep fryte të mira do të pritet e do të hidhet në zjarr.
11 Unë po ju pagëzoj me ujë, që të pendoheni, por pas meje vjen një që është më i fortë se unë, të cilit nuk jam i denjë as t'i zgjidh sandalet. Ai do t'ju pagëzojë me Shpirtin e shenjtë e me zjarr. 12 Ai e mban në dorë terploten dhe do të ndajë grurin nga kashta. Grurin do ta mbledhë në grunar, ndërsa kashtën do ta djegë në një zjarr që nuk shuhet kurrë».
Pagëzimi i Jezuit
(Mk 1.9-11Lk 3.21-22)13 Atëherë Jezui erdhi nga Galilea në Jordan te Gjoni për t'u pagëzuar prej tij. 14 Por Gjoni e kundërshtoi e i tha: «Jam unë ai që duhet të pagëzohem prej teje, e ti vjen tek unë?». 15 Jezui iu përgjigj: «Lëre për tani, se kështu duhet, që të përmbushim tërë drejtësinë». Dhe Gjoni pranoi. 16 Pasi u pagëzua, Jezui doli menjëherë nga uji. Dhe ja, iu hapën qiejt dhe ai pa Shpirtin e Perëndisë duke zbritur në trajtë pëllumbi e duke ardhur tek ai. 17 Atëherë u dëgjua një zë nga qielli që tha: «Ky është Biri im i dashur, me të cilin jam i kënaqur».
1 N’ atò ditt erdh Gniòni Paghԑues tui predikue n’ sckretii t’ Cfutniis,
2 E tui than: Bâni peennessen: psè u affrue reɣnia e cièλvet.
3 Psè ky âsct ai, i zili âsct thanun prei Isaìes profetës, ci thot: Ԑâni i atii, ci bertèt n’ sckretii: Bâni gadi rughen e Tenԑòt: dreitoni rughinat e tii.
4 E ai Gniòni kiscte petkun prei kimesc dèvevet, e gni ryp lkuret rreth m’ nii t’ vet: e hêja e tii iscin kazzalezat, e miàlt i egher.
5 Athèr Jeruԑalemi delte tu ai, e gith Cfutnia, e gith dheen i rrethit Jordanit;
6 E paghԑoiscin prei assì n’ Jordàn, tui rfye mkatet e veta.
7 E tui paa sciùm Fariseisc, e Saduceisc tui ardhun n’ paghԑìm t’ tii, tha atyne: Ginii i scelìgavet, kùsc u diftoi juve me ik prei idhnimit ci kaa per t’ ardh?
8 Bâni praa fryt t’ dêgn t’ peennesses.
9 E mos t’ thoni m’ vetveti: Bab kena Abramin. Psè une po ju tham ci Ԑotỳn âsct i pusctuescm prei kssì guursc me zièrr bii Abramit.
10 E supaata âsct vûûm rrâgnës e lìssavet. Gith i zili liss praa, ci s’ bân pem t’ mir, kaa meu pree, e kaa meu cittun n’ ԑiàrm.
11 Per t’ vertèt une paghԑoi ju me ui m’ peennèss: por ai ci kaa me ardh mas mejet, âsct mââ i fort se une, t’ zilit nuk jam i dêgn me i baart këpùzzt: ai kaa me ju paghԑue me Spirtin scêit, e me ԑiàrm.
12 Lopaata e tii n’ dor t’ vet: e kaa me e dliir lââmen e vet: e kaa me mledhun drithin e vet n’ hambaar, e kastat kaa me e diègh n’ ԑiàrm t’ paa‐sosmë.
13 Athèr erdh Jeԑu prei Galilejet n’ Jordàn tu Gniòni, aboλà ci t’ paghԑòhei prei tii.
14 E Gniòni cindrote atii, tui than: Mue prei tejet m’ duhet meu paghԑuem, e ti vièn te une?
15 E tha Jeԑu, tui pergièg atii: Lêê tascti: psè ksctù nee na duhet me punue t’ gith dreiten. Athèr e lê.
16 E massì u paghԑue Jeԑu, me gni her duul prei uit. E cè u cilne atii cièλt: e paa Scpirtin i Tenԑòt tui ԑdryp por si pλum, e tui ardh permì vetvethen.
17 E cè gni ԑââ prei cièλsc, tui than: Ky âsct biri jem i dàsctuni, m’ t’ zilin jam pelcieu.