Ardhja e dijetarëve
1 Kur u lind Jezui në Betlehem të Judesë, në kohën kur ishte mbret Herodi, disa dijetarë erdhën nga lindja në Jerusalem 2 dhe pyetën: «Ku është mbreti i sapolindur i judenjve? Sepse pamë yllin e tij në lindje dhe erdhëm ta adhurojmë». 3 Kur e dëgjoi këtë mbreti Herod, u shqetësuan ai dhe tërë Jerusalemi. 4 Atëherë mblodhi të gjithë kryepriftërinjtë e shkruesit e popullit dhe i pyeti se ku duhej të lindte Krishti. 5 Ata i thanë: «Në Betlehem të Judesë, se kështu shkruan profeti:
6 e ti, Betlehem,
tokë e Judesë,
nuk je aspak më i vogli
ndër prijësit e Judesë,
sepse prej teje
do të lindë një prijës
që do të jetë bariu i popullit tim Izraelit ».
7 Atëherë Herodi thirri fshehurazi dijetarët dhe mori vesh prej tyre kohën e saktë se kur ishte shfaqur ylli. 8 Pastaj i nisi për në Betlehem e u tha: «Shkoni e pyesni me hollësi për fëmijën dhe kur ta gjeni, më lajmëroni që të vij edhe unë e ta adhuroj». 9 Pasi dëgjuan mbretin, u nisën. Dhe ja, ylli që kishin parë në lindje u printe derisa u ndal në vendin ku ishte fëmija. 10 Kur panë yllin, ata u gëzuan shumë. 11 Si hynë në shtëpi, panë fëmijën me Marinë, nënën e tij, e ranë në gjunjë dhe e adhuruan. Pastaj hapën thesaret e tyre dhe i dhuruan ar, temjan e mirrë. 12 Të lajmëruar në ëndërr që të mos ktheheshin te Herodi, u kthyen në vendin e tyre nga një rrugë tjetër.
Ikja në Egjipt
13 Si u nisën dijetarët, engjëlli i Zotit iu shfaq në ëndërr Jozefit e i tha: «Ngrihu, merre fëmijën e të ëmën, ik në Egjipt e rri atje derisa të të them unë, sepse Herodi do ta kërkojë fëmijën për ta vrarë». 14 Ai u ngrit, mori fëmijën dhe të ëmën e u nis nëpër natë për në Egjipt. 15 Qëndroi atje derisa vdiq Herodi, që të përmbushej çfarë kishte thënë Zoti përmes profetit: nga Egjipti e thirra birin tim.
Vrasja e fëmijëve
16 Kur mori vesh se dijetarët e kishin mashtruar, Herodi u zemërua shumë dhe dërgoi të vrisnin në Betlehem e në mbarë atë krahinë të gjithë fëmijët meshkuj dy vjeç e poshtë, sipas kohës së saktë që kishte marrë vesh nga dijetarët. 17 Atëherë u përmbush çfarë kishte thënë profeti Jeremi:
18 u dëgjua një zë në Ramah,
vajtim e gjëmë e madhe.
Rakela vajton fëmijët e saj
dhe nuk do që ta ngushëllojnë,
sepse ata nuk janë më.
Kthimi nga Egjipti
19 Kur vdiq Herodi, një engjëll i Zotit iu shfaq në ëndërr Jozefit në Egjipt 20 e i tha: «Ngrihu, merr me vete fëmijën dhe të ëmën e nisu për në tokën e Izraelit, sepse ata që kërkonin jetën e fëmijës kanë vdekur». 21 Jozefi u ngrit, mori me vete fëmijën dhe të ëmën e u nis për në tokën e Izraelit. 22 Por, pati frikë të shkojë atje kur mori vesh se në Jude sundonte Arkelau në vend të Herodit, atit të tij. I lajmëruar në ëndërr, shkoi në krahinën e Galilesë 23 dhe u vendos në një qytet të quajtur Nazaret, që të përmbushej thënia e profetëve: «Do të quhet nazaretas».
1 Jeԑu praa tui ken leemun n’ Betlem t’ Judës tui sunnue Eròd kraili, cè Magit prei s’ dàllunit mriine n’ Jeruԑalèm,
2 Tui than: Ku âsct ai ci kaa leem kraili i Cfutvet? psè kena paa hyλin e tii n’ t’ dàllunit, e kena ardh me adhrue atè.
3 E tui nnie Erodi krail, u turbuλue, e gith Jeruԑalemi me tè.
4 E tui mledhun t’ gith t’ part t’ mesctarvet, e Sckribvet e pòpuλit, pvete prei atynve se ku Kriscti kiscte per t’ leemun.
5 E atà thane atii: N’ Betlèm t’ Judës: psè ksctù âsct sckruem per profeten:
6 E ti Betlèm toka e Judës, nuk jee mââ e voghla nner t’ part t’ Judës: psè prei tejet kaa me dall priisi, ci kaa me urdhnue Iԑraèlin pòpuλin tem.
7 Athèr Erodi, tinԑìsct thirri Magit, hoλìsct haλakati prei assìsc kohen e hyλit, ci u duk atyne:
8 E tui ciue atà n’ Betlèm, tha: Sckoni, e pvetni fie per fie per ket fmii: e kuur t’ a keni gièt, m’ bâni me diit, aboλà ci edhè une t’ vii me adhrue atè.
9 T’ zilt si e giègiene krailin sckuene. E cè hyλi, ci paane n’ t’ dàllunit priite perpara atyne, deri saa mriine permì venn, ku rriite fmia.
10 E tui paa hyλin u gheԑùhëne me gni gaԑmèn fort t’ madh.
11 E tui hîî n’ sctpii, giètne fmiin me Mriin nânen e tii, e tui u sctrue per tok adhruene atè: e tui cil haԑnat e vet i fàllene atii dhuntiit, aar, këm, e mirr.
12 E tui pass marr gevapin n’ ânnerr mos meu kthye tu Erodi, per tièter rugh u kthyene n’ dhee t’ vet.
13 T’ zilt massì keen sckuem, cè êgnλi i Tenԑòt u duk n’ ânnerr Josefit, tui than: Cioju, e merr fmiin, e nânen e tii, e ik n’ Misiir, e rri atiè deri saa une t’ bâi me diit. Psè Erodi kaa me kerkue fmiin per me e myt.
14 E ai tui u ciue prei giùmit muur fmiin, e nânen e tii nâtëne, e iku n’ Misiir.
15 E u nnall atiè deri m’ dek t’ Erodit: aboλà ci t’ mùscei scka iscte thanun prei Tenԑòt per profeten, ci thot: Prei Misirit thirra tem biir.
16 Athèr Erodi tui paa se t’ iscte ken masctrue prei Màgivet, fort u idhnue, e cioi me myt t’ gith fmiit, ci iscin n’ Betlèm, e n’ t’ gith kufît t’ atii prei dyy viètsc e te posct, sikundersè kohës ci t’ kiscte pass pvetun prei Màgivet.
17 Athèr u musc scka âsct thanun prei Jeremies profetës, ci thot:
18 Gni ԑââ âsct nnie n’ Raam, vai e ulurìm sciùm: Rakeli tui kiaa fmiit e vet, e s’ desct meu gheԑue, psè atà mââ s’ jan.
19 Dekun Erodi, cè êgnλi i Tenԑòt u duk n’ ânnerr Josefit n’ Misiir,
20 Tui than: Cioju, e merr fmiin, e nânen e tii, e scko n’ dhee t’ Iԑraèlit: psè jan dekun atà, ci kerkoiscin jeten e fmiis.
21 E ai ciuem prei giùmit, muur fmiin, e nânen e tii, e erdh n’ dhee t’ Iԑraèlit.
22 E tui nnie ci Arkelau sunnote n’ Cfutnii n’ venn t’ Erodit babs vet, drescti atiè me voit: e tui marr gevapin n’ ânnerr, sckoi n’ ânet t’ Galilees.
23 Ku mriimun nneiti n’ scehèr ci thohet Nazarèt: aboλà ci t’ mùscei scka âsct thanun prei profètsc: Psè ai kaa meu ken thirrun Nazareni.