Breznitë e Jezu Krishtit
(Lk 3.23-38)1 Libri i breznive të Jezu Krishtit, birit të Davidit, birit të Abrahamit.
2 Abrahamit i lindi Isaku, Isakut i lindi Jakobi, Jakobit i lindi Juda dhe vëllezërit e tij. 3 Judës i lindën prej Tamarës Faresi e Zara, Faresit i lindi Hesromi, Hesromit i lindi Arami, 4 Aramit i lindi Aminadabi, Aminadabit i lindi Naasoni, Naasonit i lindi Salmoni, 5 Salmonit i lindi Boezi prej Rahabës, Boezit i lindi Jobedi prej Rutës, Jobedit i lindi Jeseu, 6 Jeseut i lindi Davidi, mbreti.
Davidit i lindi Solomoni nga gruaja e Uriahut, 7 Solomonit i lindi Roboami, Roboamit i lindi Abiu, Abiut i lindi Asafi, 8 Asafit i lindi Josafati, Josafatit i lindi Jorami, Joramit i lindi Ozia, 9 Ozisë i lindi Joatami, Joatamit i lindi Akazi, Akazit i lindi Ezekia, 10 Ezekisë i lindi Manaseu, Manaseut i lindi Amosi, Amosit i lindi Josia, 11 Josisë i lindi Jehonia dhe vëllezërit e tij, në kohën e shpërnguljes në Babiloni.
12 Pas shpërnguljes në Babiloni, Jehonisë i lindi Salatieli, Salatielit i lindi Zorobabeli, 13 Zorobabelit i lindi Abiudi, Abiudit i lindi Eliakimi, Eliakimit i lindi Azori, 14 Azorit i lindi Sadoku, Sadokut i lindi Akimi, Akimit i lindi Eliudi, 15 Eliudit i lindi Eleazari, Eleazarit i lindi Matani, të cilit i lindi Jakobi. 16 Jakobit i lindi Jozefi, burri i Marisë, prej së cilës lindi Jezui, i quajtur Krisht.
17 Breznitë nga Abrahami deri te Davidi janë gjithsej katërmbëdhjetë, nga Davidi deri te shpërngulja në Babiloni katërmbëdhjetë dhe nga shpërngulja në Babiloni deri te Krishti, katërmbëdhjetë brezni.
Lindja e Jezu Krishtit
(Lk 2.1-7)18 Lindja e Jezu Krishtit ndodhi kështu: Maria, nëna e tij, ishte e fejuar me Jozefin, por përpara se të bashkoheshin, ajo mbeti shtatzënë nga Shpirti i shenjtë. 19 Meqenëse Jozefi, burri i saj, ishte njeri i drejtë e nuk donte ta turpëronte, vendosi ta ndante fshehurazi. 20 Ndërsa po mendonte këto gjëra, një engjëll i Zotit iu shfaq në ëndërr e i tha: «Jozef, bir i Davidit, mos ki frikë ta marrësh për grua Marinë. Fëmija që është ngjizur në të është nga Shpirti i shenjtë. 21 Ajo do të lindë një djalë dhe ti do t'ia vësh emrin Jezu, sepse ai do ta shpëtojë popullin e tij nga mëkatet e tyre».
22 E gjithë kjo ndodhi që të përmbushej çfarë kishte thënë Zoti nëpërmjet profetit:
23 virgjëresha do të ngjizet
e do të lindë një djalë
që do të quhet Emanuel,
që e përkthyer do të thotë: Perëndia është me ne.
24 Kur u zgjua nga gjumi, Jozefi bëri siç e kishte urdhëruar engjëlli i Zotit dhe e mori Marinë për grua, 25 por nuk pati marrëdhënie me të, derisa ajo lindi të birin , të cilit Jozefi ia vuri emrin Jezu.
1 Libri i giniis Jeԑu Krisctit birit Davidit, birit Abramit.
2 Prei Abramit leu Isaku. E prei Isakut leu Jakobi. E prei Jakobit leu Juda, e vλaԑnit e tii.
3 E prei Judet leu Farës, e Zara prei Tamar. E prei Farës leu Eԑròn. E prei Eԑròn leu Aram.
4 E prei Aram leu Amìnadab. E prei Amìnadab leu Nasson. E prei Nasson leu Salmon.
5 E prei Salmon leu Booz prei Raab. E prei Boozet leu Obed prei Rut. E prei Òbedet leu Jesse. E prei Jesset leu Davìd kraili.
6 E prei Davidit krail leu Salomoni prei assoje, ci kiè sciòccia e Uriis.
7 E prei Salomonit leu Ròboam. E prei Ròboam leu Abia. E prei Abiet leu Asa.
8 E prei Asa leu Jòsafat. E prei Jòsafat leu Joram. E prei Joram leu Ozia.
9 E prei Oziet leu Joatam. E prei Joatam leu Akaz. E prei Akaz leu Ezekia.
10 E prei Ezekiet leu Manasse. E prei Manasses leu Amon. E prei Amon leu Josia.
11 E prei Josiet leu Jekonia, e vλaԑnit e tii gadi n’ t’ ciuemit prei assì vennit per me dall n’ Baghdàd.
12 E mas t’ ciuemit per me dall prei Baghdadit: prei Jekoniet leu Salàtiel. E prei Salàtiel leu Zoròbabel.
13 E prei Zoròbabel leu Àbiud. E prei Àbiud leu Eliacim. E prei Eliacim leu Azor.
14 E prei Azor leu Sadok. E prei Sadok leu Akim. E prei Akim leu Èliud.
15 E prei Èliud leu Eleàzar. E prei Eleàzar leu Matan. E prei Matan leu Jakobi.
16 E prei Jakobit leu Josefi i sciòcci Mriis, prei zilet leu Jeԑu, ci thohet Kriscti.
17 Praa t’ gith breԑat prei Abramit nneri m’ Davidin jan katermdhètt breԑa: e prei Davidit deri n’ t’ ciuemit per me dall n’ Baghdàd jan katermdhètt breԑa: e prei t’ ciuemit per me dall prei Baghdadit deri Krisctit jan katermdhètt breԑa.
18 E t’ leemi e Krisctit kiè m’ ket mnyr: Tui ken martue Mria nâna e atii me Josefin, para se t’ rriiscin basck, u gièt me baarr prei Scpirtit scêit.
19 E Josefi i sciòcci assai, tui ken i dreit, e tui mos dasct me e marrue atè, descti tinԑ me lsciuem atè.
20 E ai tui mennue ktò, cè êgnλi i Tenԑòt u duk atii n’ ânnerr, tui than: O Josèf biir i Davidit, mos drui me marr Mriin sciòccien tânne: psè scka âsct zânun m’ tè, âsct prei Scpirtit scêit.
21 E kiò kaa me dièrgh gni biir: e kee me thirr emnin e tii Jeԑu: psè ai kaa me psctue pòpulin e vet prei mkatësc t’ tynvet.
22 E gith ktò âsct bââmun, aboλà ci t’ mùscei scka âsct thanun prei Tenԑòt per profeten, ci thot:
23 Cè virgina kaa me pass n’ bark, e kaa me dièrgh gni biir: e kaa me e thirr emnin e tii Emanuèl, ci nkthyem do me than: Ԑotỳn me nee.
24 E tui ciue Josefi prei giùmit, bâni sikursè urdhnoi atii êgnλi i Tenԑòt, e muur sciòccien e vet.
25 E ai nuk e gnoffte atè deri ci dorg t’ birin e vet t’ paar‐lessin: e thirr emnin e tii Jeԑu.