Predikimi i Gjon Pagëzorit
(Mk 1.1-8Lk 3.1-9, Lk 15-17Gjn 1.19-28)1 Ato ditë erdhi Gjon Pagëzori që predikonte në shkretëtirën e Judesë. 2 Ai thoshte: «Pendohuni, se mbretëria e qiejve është afër». 3 Ky është ai për të cilin është folur nga profeti Isai që ka thënë:
një zë thërret në shkretëtirë:
bëni gati udhën për Zotin,
drejtoni shtigjet e tij.
4 Gjoni ishte veshur me një rrobë prej leshi deveje dhe mbante një brez lëkure rreth ijëve. Ai ushqehej me karkaleca e mjaltë të egër.
5 Atëherë njerëz nga Jerusalemi, nga gjithë Judeja e nga mbarë krahina e Jordanit shkonin tek ai 6 dhe, duke rrëfyer haptazi mëkatet e tyre, pagëzoheshin prej tij në lumin Jordan. 7 Kur Gjoni pa se shumë farisenj e saducenj vinin për t'u pagëzuar tek ai, u tha: «Pjellë nepërkash! Kush ju mësoi t'i ikni zemërimit që po vjen? 8 Jepni fryte të denja pendimi 9 dhe mos mendoni se do t'i thoni vetes: kemi për atë Abrahamin. Unë po ju them se Perëndia mund t'i japë bij Abrahamit edhe nga këta gurë. 10 Sëpata gjendet tashmë te rrënjët e pemëve. Çdo pemë që nuk jep fryte të mira do të pritet e do të hidhet në zjarr.
11 Unë po ju pagëzoj me ujë, që të pendoheni, por pas meje vjen një që është më i fortë se unë, të cilit nuk jam i denjë as t'i zgjidh sandalet. Ai do t'ju pagëzojë me Shpirtin e shenjtë e me zjarr. 12 Ai e mban në dorë terploten dhe do të ndajë grurin nga kashta. Grurin do ta mbledhë në grunar, ndërsa kashtën do ta djegë në një zjarr që nuk shuhet kurrë».
Pagëzimi i Jezuit
(Mk 1.9-11Lk 3.21-22)13 Atëherë Jezui erdhi nga Galilea në Jordan te Gjoni për t'u pagëzuar prej tij. 14 Por Gjoni e kundërshtoi e i tha: «Jam unë ai që duhet të pagëzohem prej teje, e ti vjen tek unë?». 15 Jezui iu përgjigj: «Lëre për tani, se kështu duhet, që të përmbushim tërë drejtësinë». Dhe Gjoni pranoi. 16 Pasi u pagëzua, Jezui doli menjëherë nga uji. Dhe ja, iu hapën qiejt dhe ai pa Shpirtin e Perëndisë duke zbritur në trajtë pëllumbi e duke ardhur tek ai. 17 Atëherë u dëgjua një zë nga qielli që tha: «Ky është Biri im i dashur, me të cilin jam i kënaqur».
Krie III.
1 Nd’ató dit prana erθ Janje Tista te preδikárneje te ére mi i Juδês,
2 E tue θẽ n: Metanóseni: pse u‐kjas rregje ría e kjíelvet.
3 Pse kî e št aí, tše kje θẽ n ka Isaía profeti tše θôje : Vudža e atîje tše θe rrét te ére mi: De rtoni uδe n e Tinzoti: bẽ ni te drékje ta karrarat e tîje .
4 Janji stessu prana kiš te véšure n e tîje kjime kameli, e nje bres lje kúrie te messi tîje : te ngre nit e tîje iš karkaljetse, e miáljte t’ ege r.
5 Aχíera víneje tek aí Džerusalemi, e gjiθ Juδéa, e gjiθ katundet prei Džurdanit;
6 E iše n te pakzúar te Džurdani ka aí, tue skomolissur ftesmet e tire.
7 Pâr prana šûm nde r Fariserat, e Saδukjerat, tše vije n te pakzimi tîje , i θa: Rratsima anapre mteš, kuš ju buθtói t’ ikni ka kjerratía tše kat vĩ̂nje ?
8 Andái bẽ ni te bẽ na peniténdzie.
9 E mos te ju škônje ka kríet te θoni mbe vetχên: kemi tat Abramin. Pse ju θom se Inzót mund bẽ nje ka kta gûr te dalje n bilj Abrami.
10 Po eδé topra e št e vẽ n te rrẽ nje t e árvurvet. Andái nka arvur tše se bẽ n frut te mîr, pritet, e štiχet nde ziárr.
11 Ú ju pakzonje nd’ ûje pe r peniténdzie: aí tše vién pas meje, munde n mé se ú, kui nẽ ng meritónje te kjéle nje tsariχet: aí ju pakzón nde Špîrte šé it, e nde ziárre .
12 Ljopata tîje e št te dora tîje : e χjeθ lje min e tîje , e mbiéθ krapúan e tîje te katokji, kašte n prana e diék te ziárri pa‐šúam.
13 Aχíera vién Džesúi ka Galiléa Džurdán te Janji, se t’ iš i pakzúar ka aí.
14 Janji prana e largóneje , tue θẽ n: Ú kam be zônje te jêm ka ti i pakzúar, e ti vién tek ú?
15 Pe rgjegjur prana Džesúi, i θa: Ljem pre naní: pse ke štú na nget te bẽ́ nje mi gjiθ te dréite n. Aχíera e lja.
16 E pakzúar tše kje Džesúi, dúal mbiátu ka uje t. E njô ju‐χaptin kjíelt: e pâ Špirtin e Tinzoti tše kalarej si pe lúmb, e tše víneje mbi até .
17 E njô nje vûdže ka kjíelt tše θoi: Kî e št biri im i dášuri mîr, tek ú vura zé me re n time.