1 Allilluja. Lavduroni Zonë prej qiejsh, lavduroni atë ndë të lartat.
2 Lavduroni atë, gjith’ ëngjëjt’ e ati, lavduroni atë, gjithë fuqit’ e ati.
3 Lavduroni atë, o diellë edhe hënë, lavduroni atë, gjithë yjt’ e dritësë.
4 Lavduroni atë, qiejt’ e qiejet, edhe ujëtë që është përmbi qiejet.
5 Le të lavduronjën’ emërin’ e Zotit, se ay urdhëroi, edhe u krijuanë;
6 edhe forcoi ato për gjithë jetënë; edhe për gjithë jetën’ e jetësë, bëri urdhërë, që s’ka për të shkuarë.
7 Lavduroni Zonë prej dheut, drangonjtë edhe gjith’ avyssatë.
8 Ziar e breshërë, dborë edhe avullë, erë e fortë që bën fjalën’ e ati,
9 maletë edhe gjithë kodratë, drurëtë që bëni pemë, edhe gjithë dëllinjatë,
10 egërsiratë edhe gjithë bagëtitë, shtërpenj edhe shpes fluturakë,
11 mbëretrit’ e dheut, edhe gjithë llauzetë, të parëtë, edhe gjithë gjykatësit’ e dheut,
12 dialoshë edhe vashazë, pleq bashkë me të rinj.
13 Le të lavduronjën’ emërin’ e Zotit, se vetëmë emër’ i ati u lartua, lavduri e ati është mbi dhet edhe mbi qiellt.
14 Edhe ay i ngriti bri llauzit ti, lavdurim për gjithë të drejtët’ e ti, për të bijt e Israillit, llauzit që është ngjat ati.
1 Alleluia. Lavduroni Zotinë prei qijesh, lavduroni ate ndë të naltat.
2 Lavduroni ate, gjith’ engjujt’ e ati, lavduroni ate gjithë fuqit’ e ati.
3 Lavduroni ate, o diell’ edhe hanë, lavduroni ate, gjithë’ yjet’ e dritësë.
4 Lavduroni ate, qijet’ e qijevet, edhe ujëtë qi ashtë përmbi qijet.
5 Le të lavdurojën’ emënin’ e Zotit, se ai urdhënoi, edhe u krijuenë;
6 edhe forcoi ato për gjithë jetënë; edhe për gjithë jetën’ e jetësë, bani urdhënë, qi s’ka me shkuem.
7 Lavduroni Zotinë prei dheut, dragonjt’ edhe gjith’ abyssatë.
8 Ziarrm e breshënë, bor’ e avullë, er’ e fortë qi ban fjalën’ e ati,
9 bieshkat’ edhe gjithë maletë, drunatë qi bani pemë, edhe gjithë dullenjatë,
10 bishat’ edhe gjithë bagëtitë, shtërpinj edhe shpendë fluturake,
11 mbëretënit’ e dheut edhe gjithë popujtë, të parët edhe gjithë gjukatësit’ e dheut,
12 dialoshë e vaiza, pleq bashkë me të rij.
13 Le të lavdurojën’ emënin e Zotit, se vetëm’ emëni i ati u naltue, lavdia e ati ashtë mbi dhet, edhe mbi qiellt.
14 Edhe ai i ngriti bri popullit vet, lavdurim për gjithë të dreitët e vet, për të bijt e Israelit, popullit qi asht’ ngjat ati. Alleluia.