Predikimi i Gjon Pagëzorit
(Mk 1.1-8Lk 3.1-9, Lk 15-17Gjn 1.19-28)1 Ato ditë erdhi Gjon Pagëzori që predikonte në shkretëtirën e Judesë. 2 Ai thoshte: «Pendohuni, se mbretëria e qiejve është afër». 3 Ky është ai për të cilin është folur nga profeti Isai që ka thënë:
një zë thërret në shkretëtirë:
bëni gati udhën për Zotin,
drejtoni shtigjet e tij.
4 Gjoni ishte veshur me një rrobë prej leshi deveje dhe mbante një brez lëkure rreth ijëve. Ai ushqehej me karkaleca e mjaltë të egër.
5 Atëherë njerëz nga Jerusalemi, nga gjithë Judeja e nga mbarë krahina e Jordanit shkonin tek ai 6 dhe, duke rrëfyer haptazi mëkatet e tyre, pagëzoheshin prej tij në lumin Jordan. 7 Kur Gjoni pa se shumë farisenj e saducenj vinin për t'u pagëzuar tek ai, u tha: «Pjellë nepërkash! Kush ju mësoi t'i ikni zemërimit që po vjen? 8 Jepni fryte të denja pendimi 9 dhe mos mendoni se do t'i thoni vetes: kemi për atë Abrahamin. Unë po ju them se Perëndia mund t'i japë bij Abrahamit edhe nga këta gurë. 10 Sëpata gjendet tashmë te rrënjët e pemëve. Çdo pemë që nuk jep fryte të mira do të pritet e do të hidhet në zjarr.
11 Unë po ju pagëzoj me ujë, që të pendoheni, por pas meje vjen një që është më i fortë se unë, të cilit nuk jam i denjë as t'i zgjidh sandalet. Ai do t'ju pagëzojë me Shpirtin e shenjtë e me zjarr. 12 Ai e mban në dorë terploten dhe do të ndajë grurin nga kashta. Grurin do ta mbledhë në grunar, ndërsa kashtën do ta djegë në një zjarr që nuk shuhet kurrë».
Pagëzimi i Jezuit
(Mk 1.9-11Lk 3.21-22)13 Atëherë Jezui erdhi nga Galilea në Jordan te Gjoni për t'u pagëzuar prej tij. 14 Por Gjoni e kundërshtoi e i tha: «Jam unë ai që duhet të pagëzohem prej teje, e ti vjen tek unë?». 15 Jezui iu përgjigj: «Lëre për tani, se kështu duhet, që të përmbushim tërë drejtësinë». Dhe Gjoni pranoi. 16 Pasi u pagëzua, Jezui doli menjëherë nga uji. Dhe ja, iu hapën qiejt dhe ai pa Shpirtin e Perëndisë duke zbritur në trajtë pëllumbi e duke ardhur tek ai. 17 Atëherë u dëgjua një zë nga qielli që tha: «Ky është Biri im i dashur, me të cilin jam i kënaqur».
Krie III.
1 Tek ató ditt𝑒 prâ jerδi Dz̆uán Batista tue ligj𝑒rúar𝑒 te diserti i Dz̆uδês,
2 E tue θ𝑒n𝑒: Buni pendes𝑒: se u‐kjas𝑒 mbretría e kjíeγiavet.
3 Se kî is̆t aí, ts̆𝑒 kle rr𝑒fíer𝑒 ka Isaía profeti ts̆𝑒 θos̆𝑒: Z𝑒ri i atîγj𝑒 ts𝑒 θret te diserti: D𝑒rtoni uδ𝑒n e Tinzoti: ndrékj𝑒ni δrómet’ e tîγj𝑒.
4 E aí Dz̆uán kis̆ t𝑒 vés̆ur𝑒n e tîγj𝑒 kjímes̆𝑒 gamile, e nj𝑒 bres likúrie rreθ mésit𝑒 tîγj𝑒: e kjevarría e tîγj𝑒 is̆𝑒n kartsalets𝑒, e miáj𝑒t t’ eg𝑒r.
5 Aχiérna dilj𝑒 t𝑒 vêγj𝑒 p𝑒r até Dz̆erusalemmi, e gjiθ𝑒 Dz̆uδéa, e gjiθ𝑒 χór𝑒t𝑒 ndan𝑒 Dz̆urdánit𝑒;
6 E pagzónes̆in te Dz̆urdani ka aí, tue skomoγísur𝑒 m𝑒kát𝑒t’ e tire.
7 T𝑒 pârit ts̆𝑒 pâ ditsá ka Farisénj𝑒t𝑒 e ka Saduts̆énj𝑒t𝑒, ts̆𝑒 véij𝑒n p𝑒r pagzimin e tîγj𝑒, θa atíreve: J𝑒nî víparas̆𝑒, kus̆ ju d𝑒ftói t𝑒 jíkurit ka m𝑒nía ts̆𝑒 t𝑒 vinj𝑒?
8 B𝑒ni prandái pem𝑒 petk𝑒 pendésie.
9 E mos t𝑒 ju δekst𝑒 t𝑒 θoni nd𝑒r jû: Kemi p𝑒r print𝑒 Abramin. P𝑒rts̆é ju θom𝑒 se Per𝑒ndía ka kta gure m𝑒nd’ e ngré χen𝑒 djelm𝑒 Abrámit𝑒.
10 E ts̆𝑒 naní e par𝑒t sopata rrî ndan𝑒 rrenj𝑒s lísevet. Andái ngâ lis𝑒, ts̆𝑒 ng𝑒 bun pem𝑒 e mir𝑒, prítet𝑒, e s̆tíχet𝑒 mbi zjarr𝑒.
11 Ú p𝑒r v𝑒rtet𝑒 ju pagzonj𝑒 nd’ uj𝑒 p𝑒r pendes𝑒: e aí ts̆𝑒 pas meje ist e vjen, ê m’ i fukjis̆m𝑒 se ú, e atîγj𝑒 ú ng𝑒 jam i mir𝑒 t’ i kjêχ𝑒 k𝑒púts𝑒t𝑒: aí kat𝑒 ju pagzonj𝑒 nd𝑒 Špîrt𝑒 s̆éit𝑒, e nd𝑒 zjarr𝑒.
12 Ají kâ lopat𝑒n te dora e tîγj𝑒: e kat𝑒 kj𝑒ronj𝑒 l𝑒min e tîγj𝑒: e kat𝑒 mbjéδ𝑒nj𝑒 driθ𝑒t e tîγj𝑒 te χambari, e kas̆t𝑒n kat’ e djég𝑒nj𝑒 me zjarr𝑒 t𝑒 pās̆úam𝑒.
13 Aχiérna arrên Dz̆esúi ka Galiléa mbi Dz̆urdanin te Dz̆uáni, sât𝑒 pagzónet𝑒 ka aí.
14 E Dz̆uáni e mbâγj𝑒, tue θ𝑒n𝑒: Ú kam𝑒 b𝑒zonj𝑒 t𝑒 jêm𝑒 pagzúar𝑒 ka‐k𝑒 ti, e ti vjen𝑒 tek’ ú?
15 E si u‐p𝑒rgjekj𝑒 Dz̆esúi, i θa: Le m𝑒 p𝑒r naní: se k𝑒s̆tú na nget neve t𝑒 bé nj𝑒m𝑒 gjiθ𝑒 t𝑒 dréj𝑒t𝑒n. Aχiérra e la.
16 Pagzúar𝑒 ts̆𝑒 kle Dz̆esúi, njize kardzéu ka uj𝑒t. E s̆i i u‐sbiγ𝑒n kjíeγiat𝑒: e pâ Špirtin e Per𝑒ndîs𝑒 ts̆𝑒 sdripej si paγump𝑒, e ts̆𝑒 viγj𝑒 mbi té .
17 E s̆i nj𝑒 zê ka kjíeγiat𝑒 ts̆𝑒 θos̆𝑒: Kî is̆t𝑒 biri im𝑒 i dás̆uri, te ku u‐pré j𝑒ta.