Krie e parë
1 Kart e gjenneallogjisë Iisuit Krishtit të birit Dhavidhit, edhe të birit Avraamit.
2 Avraami polli Isaaknë, e Isaaku polli Iakovnë; e Iakovi polli Iudhënë edhe vëllazërit’ e tij.
3 E Iudha polli Faresnë edhe Zaranë nga Thamara, edhe Faresi polli Esromnë, e Esromi polli Aramnë.
4 E Arami polli Aminadhavnë, e Aminadhavi polli Naasonë, e Naasoni polli Sallmonë.
5 E Sallmoni polli Vooznë nga Rahavi; edhe Voozi polli Ovidhnë nga Ruthi; e Ovidhi polli Iesenë.
6 E Ieseu polli Mbretnë Dhavidh; e Mbreti Dhavidh polli Sollomonë nga gruaja e Uriut.
7 E Sollomoni polli Rovoamnë, e Rovoami polli Avianë, e Aviai polli Asanë.
8 E Asai polli Iosafatnë; e Iosafati polli Ioramnë, e Iorami polli Ozianë.
9 E Ozia polli Ioathamnë, e Ioathami polli Ahaznë, e Ahazi polli Ezeqianë.
10 E Ezeqia polli Manasinë, e Manasiu polli Amonë, e Amoni polli Iosianë.
11 E Iosia polli Iehonianë, edhe vëllazërit’ e tij kur i shpunë rop ndë Vavillonë.
12 E pas robëris’ ë Vavillonësë, Iehonia polli Sallathiilnë, e Sallathiili polli Zorovavelnë.
13 E Zorovaveli polli Aviudhnë, e Aviudhi polli Eliaqimnë, Eliaqimi polli Azorë.
14 E Azori polli Sadhoknë, e Sadhoku polli Ahimnë, e Ahimi polli Eliudhnë.
15 E Eliudhi polli Eleazarnë, e Eleazari polli Matthanë; e Matthani polli Iakovnë.
16 E Iakovi polli Iosifnë, burrën’ e Mariasë, që nga ajo u le Iisui që quhetë Krisht.
17 Gjithë brezatë adha që nga Avraami e ngjer te Dhavidhi janë breza katërmbëdhjetë e që nga Dhavidhi e ngjera mbë të ikurë të Vavillonësë janë breza katërmbëdhjetë, e nga të ikurit’ e Vavillonësë ngjera te Krishti, janë breza katërmbëdhjetë.
18 E të leritë e Iisuit Krishtit u bë kështu, sepse u aravonis mëma e tij Maria me Iosifnë, pa bashkuarë fare u gjënd me barrë nga Shënti Shpirt.
19 E Iosifi burr’ i saj sepse qe i drejtë, e nukë duaj ta tregon atë, vuri ndër mënd ta lij atë fshehura e të ikën.
20 E tek mëndonej këto me vetehë të tij, na e ju duk atij mbë gjumë Engjëll’ i Zotit, e i tha: Iosif, i biri Dhavidhit, mos u friko të març me vetëhe gruanë tate Marianë. Se ajo që u bë nde ajo, është nga Shënt Shpirt.
21 E do të pjellë djalë e t’i vëç ëmërinë Iisu, sepse ai do të lefterosjë llaon’ e tij nga fajet’ e ture.
22 Edhe gjithë këjo u bë që të paguhetë ajo që u tha nga Zoti me anë të Profitit që thotë:
23 Ja Vashëza do të bënetë me barrë, e do të pjellë djalë edhe do ta thonë ëmërit’ e tij Emanuil, që do të thotë Perndia me nevet.
24 E si u ngre Iosifi nga gjumi, bëri si e porsiti Ëngjëll’ i Zotit, e muar me vetëhe gruan’ e tij.
25 E nuk’ e njohu atë fare, ngjera sa polli djalën’ e saj të parën’ e të vetëminë, e i vuri ëmërin’ e tij Iisu.
Prejardhja e Jezu Krishtit
1 Libri i prejardhjes së Jezu Krishtit, birit të Davidit, birit të Abrahamit.
2 Abrahamit i lindi Isaku, Isakut i lindi Jakobi, Jakobit i lindi Juda me vëllaznit e vet. 3 Judës i lindi Faresi dhe Zarai, prej Tamarës. Faresit i lindi Esromi, Esromit i lindi Arami.
4 Aramit i lindi Aminnadabi, Aminnadabit i lidi Naasoni, Naasonit i lindi Samoni. 5 Salmonit i liondi Boesi, prej Rahabës. Boesit i lindi Jobedi, prej Rutës. Iobedit i lindi Jeseu. 6 Jeseut i lindi mbreti Davit.
Davidit i lindi Salomoni, prej grues së Uriut.
7 Salmonit i lindi Roboami, Roboamit i lindi Abijai, Abijait i lindi Asafi. 8 Asafit i lindi Josafati, Josafatit i lindi Jorami, Joramit i lindi Ozia.
9 Ozisë i lindi Joatami, Joatamit i lindi Ahazi, Ahazit i lindi Ezekia.
10 Ezekisë i lindi Manaseu, Manaseut i lindi Amosi, Amosit i lindi Josia. 11 Josisë i lindi Jehonia me vëllazën, gjatë shpërnguljes në Babiloni.
12 Mbas shpërnguljes në Babiloni, Jehonisë i lindi Salamieli. Salamielit i lindi Zorobabeli.
13 Zorobabelit i lindi Abiudi, Abiudit i lindi Eliakimi, Eliakimit i lindiu Azori. 14 Azorit i lindi Sadoku, Sadokut i lindi Akimi, Akimit i lindi Eliudi. 15 Eliudit i lindi Eleazari, Eleazarit i lindi Matani, Matanit i lindi Jakobi. 16 Jakobit i lindi Jezefi, burri i Marisë, prej të cilës u lind Jezusi, i quejtuni Krisht.
17 Të gjitha breznitë nga Abrahami deri te Davidi janë katërmbëdhjetë brezni. Nga Davidi deri tek shpërngulja në Babiloni, katërmbëdhjetë brezni. Nga shpërngulja në Babiloni deri tek Krishti, katërmbëdhjetë brezni.
Të lindunit e Jezu Krishtit
18 Të lindunit e Jezu Krishtit qe kështu: nana e tij, Maria, që ishte e fejueme me Jozefin, u gjet shtatzanë prej Shpirtit të Shenjtë para se ata të bashkoheshin 19 Por, Jozefi, burri i saj, tue qenë i drejtë e tue mos dashtë me e poshtnue, mori vendimin me e nda tinëz. 20 Kur po shkoqitte këto, ja që iu duk në andërr një engjëll i Zotit, tue i thanë: «Jozef, bir i Davidit, mos ki frikë ta pranosh Marinë, gruen tande! Çka asht përftue në të asht prej Shpirtit të Shenjtë. 21 Ajo do të lindë një bir e ti do t'i venja emnin Jezus, se ai do ta shpëtojë popullin e tij prej mëkateve të veta». 22 Tanë kjo ndodhi që të kryhej çka ishte thanë prej Zotit me anë të profetit, që kumton:
23 «Ja, vasha mbesë shtatzanë,
do të lindë një bir
dhe emnin do t'ia vënë Emanuel,
që e përkthyeme do me thanë "Hyu me ne"».
24 Kur Jozefit i doli gjumi, veproi si i kishte urdhnue engjëlli i Zotit dhe e pranoi gruen e vet. 25 Atë nuk e preku, deri kur lindi birin. Atij ia vuni emnin Jezus.