1 Στηλογραφία τῷ Δαυιδ.
Φύλαξόν με, κύριε, ὅτι ἐπὶ σοὶ ἤλπισα.
2 εἶπα τῷ κυρίῳ Κύριός μου εἶ σύ,
ὅτι τῶν ἀγαθῶν μου οὐ χρείαν ἔχεις.
3 τοῖς ἁγίοις τοῖς ἐν τῇ γῇ αὐτοῦ
ἐθαυμάστωσεν πάντα τὰ θελήματα αὐτοῦ ἐν αὐτοῖς.
4 ἐπληθύνθησαν αἱ ἀσθένειαι αὐτῶν,
μετὰ ταῦτα ἐτάχυναν·
οὐ μὴ συναγάγω τὰς συναγωγὰς αὐτῶν ἐξ αἱμάτων
οὐδὲ μὴ μνησθῶ τῶν ὀνομάτων αὐτῶν διὰ χειλέων μου.
5 κύριος ἡ μερὶς τῆς κληρονομίας μου καὶ τοῦ ποτηρίου μου·
σὺ εἶ ὁ ἀποκαθιστῶν τὴν κληρονομίαν μου ἐμοί.
6 σχοινία ἐπέπεσάν μοι ἐν τοῖς κρατίστοις·
καὶ γὰρ ἡ κληρονομία μου κρατίστη μοί ἐστιν.
7 εὐλογήσω τὸν κύριον τὸν συνετίσαντά με·
ἔτι δὲ καὶ ἕως νυκτὸς ἐπαίδευσάν με οἱ νεφροί μου.
8 προωρώμην τὸν κύριον ἐνώπιόν μου διὰ παντός,
ὅτι ἐκ δεξιῶν μού ἐστιν, ἵνα μὴ σαλευθῶ.
9 διὰ τοῦτο ηὐφράνθη ἡ καρδία μου,
καὶ ἠγαλλιάσατο ἡ γλῶσσά μου,
ἔτι δὲ καὶ ἡ σάρξ μου κατασκηνώσει ἐπ᾽ ἐλπίδι,
10 ὅτι οὐκ ἐγκαταλείψεις τὴν ψυχήν μου εἰς ᾅδην
οὐδὲ δώσεις τὸν ὅσιόν σου ἰδεῖν διαφθοράν.
11 ἐγνώρισάς μοι ὁδοὺς ζωῆς·
πληρώσεις με εὐφροσύνης μετὰ τοῦ προσώπου σου,
τερπνότητες ἐν τῇ δεξιᾷ σου εἰς τέλος.
1 tituli inscriptio ipsi David
Conserva me Domine quoniam in te speravi
2 dixi Domino Dominus meus es tu
quoniam bonorum meorum non eges
3 sanctis qui sunt in terra eius
mirificavit ※mihi: omnes voluntates meas in eis
4 multiplicatae sunt infirmitates eorum postea adceleraverunt
non congregabo conventicula eorum de sanguinibus
nec memor ero nominum eorum per labia mea
5 Dominus pars hereditatis meae et calicis mei
tu es qui restitues hereditatem meam mihi
6 funes ceciderunt mihi in praeclaris
etenim hereditas mea praeclara est mihi
7 benedicam Domino qui tribuit mihi intellectum
insuper et usque ad noctem increpaverunt me renes mei
8 providebam Dominum in conspectu meo semper
quoniam a dextris est mihi ne commovear
9 propter hoc laetatum est cor meum et exultavit lingua mea
insuper et caro mea requiescet in spe
10 quoniam non derelinques animam meam in inferno
non dabis sanctum tuum videre corruptionem
notas mihi fecisti vias vitae adimplebis me laetitia cum vultu tuo
delectatio in dextera
tua usque in finem