KAPTINA I.
1 Libri i gjeneallogjisë Iesu Krishtit, birit Davidit, birit Abrahamit.
2 Abrahamit i leu Isaaku, e Isaakut i leu Iakobi, e Iakobit i leu Iuda, edhe të vëllazënit e vet,
3 e Iudës’ i leu Faresi edhe Zara prei Thamarësë, e Faresit i leu Esromi, e Esromit i leu
Arami,
4 e Aramit i leu Aminadabi, e Aminadabit i leu Naassoni, e Naassonit i leu Salmoni,
5 e Salmonit i leu Boozi prei Rababësë, e Boozit i leu Obedi prei Ruthësë, e Obedit i
leu Iesseu,
6 e Iesseut i leu Davidi mbëreti.
7 E Davidit mbëretit i leu Solomoni prei grues’ Uriut, e Solomonit i leu Roboami, e Roboamit i leu Abia, e Abisë i leu Asai,
8 e Asait i leu Iosafati, e Iosafatit i leu Iorami, e Ioramit i leu Ozia,
9 e Ozisë i leu Ioathami, e Ioathamit i leu Ahazi, e Ahazit i leu Ezekia,
10 e Ezekisë i leu Manassi, e Manassit i leu Amoni, e Amonit i leu Iosia,
11 e Iosisë i leu Iehonia edhe të vëllazënit’ e vet, mbë të shpërngulmen’ e Babylonisë.
12 Edhe mbas të shpërngulmesë Babylonisë, Iehonisë i leu Salathieli, e Salathielit i leu Zorobabeli;
13 e Zorababelit i leu Abiudi, e Abiudit i leu Eliakimi, e Eliakimit i leu Azori.
14 e Azorit i leu Sadoku, e Sadokut i leu Ahimi, e Ahimit i leu Eliudi.
15 e Eliudit i leu Eleazari, e Eleazarit i leu Matthani, e Matthianit i leu Iakobi.
16 e Iakobit i leu Iosefi, burri i Marisë, prei të cillësë leu Iesui, qi thohetë Krisht.
17 Gjithë brezatë pra, prei Abrahamit deri mbë ditë të Davidit, janë katër-mbë-dhetë breza; edhe prei Davidit deri mbë të shpërngulmen e Babylonisë, janë katër-mbë-dhetë breza; edhe prei të shpërngulmesë Babylonisë deri mbë ditë të Krishtit, janë katër-mbë-dhetë breza.
18 Edhe të lemit’ e Iesu-Krishtit kështu ka qenë: Maria, e ama e ati, mbassi u fejue me Iosefinë, para se të bashkoheshinë, u gjind me barrë prei Shpirtit Shenjt.
19 Edhe Iosefi burr’ i asai, tue qen’ i dreitë, e s’donte me i nxierrë zaninë për të keq, deshi me e lishuem pshefas.
20 Por ai kur ishte tue menduem këto punë , qe engjull’ i Zotit tek iu duk nd’andërrë, e i tha: Iosef, bir’ i Davidit, mos ki frikë me marrë me vetëhe Marinë gruenë tande, sepse të mbarsunitë qi u ba tek ajo ashtë prei Shpirtit Shenjt.
21 Edhe ka me piellë bir, edhe ke me ia thirrë emëninë Iesu, sepse ai ka me shpëtuem popullin’ e vet prei fajevet atyne.
22 (Edhe gjithë këjo u ba, qi të mbushetë qish ashtë thanë prei Zotit me anë të profetit, qi thoshte:
23 “Qe virgjinesha te do të mbarsetë, edhe do të pielli bir, edhe do t’ia thërrasin’ emënin’ Emmanuel”, qi ajo, këthyem, do me thanë, Perëndia bashkë me ne.)
24 Edhe Iosefi si u çue prei gjumit, bani sikurse e urdhënoi engjull’ i Zotit, edhe muer përanë vetëhesë gruen’ e vet,
25 edhe nuk’ e ngjofi, deri sa puell të birin’ e vet dialin’ e parë, edhe ia thirri emëninë IESU.
1 Vivli e gjeneallogjisë Jisu-Krishtit, të birit Dhavidhit, të birit Avraamit.
2 Avraamit i lindi Isaaku; edhe Isaakut i lindi Jakovi; edhe Jakovit i lindi Judha edhe të vëllezërit’ e ati;
3 Edhe Judhës’ i lindi Faresi edhe Zaraj nga Thamara; edhe Faresit i lindi Esromi; edhe Esromit i lindi Arami;
4 Edhe Aramit i lindi Aminavadhi; edhe Aminavadhit i lindi Naassoni;
5 Edhe Naasonit i lindi Sallmoni; edhe Sallmonit i lindi Voozi nga Rahava, edhe Voozit i lindi Ovidhi nga Rutha;
6 Edhe Ovidhit i lindi Jesseu; edhe Jesseut i lindi Dhavidhi mbëreti.
Edhe Dhavidhit mbëretit i lindi Sollomoni nga gruaja e Uriut;
7 Edhe Sollomonit i lindi Rovoami; edhe Rovoamit i lindi Aviaj; edhe Aviajt i lindi Asaj;
8 Edhe Asajt i lindi Josafati; edhe Josafatit i lindi Jorami; edhe Joramit i lindi Ozia;
9 Edhe Ozisë i lindi Joathami; edhe Joathamit i lindi Ahazi; edhe Ahazit i lindi Ezekia;
10 edhe Ezekisë i lindi Manassiu; edhe Manassiut i lindi Amoni; edhe Amonit i lindi Josia;
11 Edhe Josisë i lindi Jehonia edhe të vëllezërit’ e ti, mbë të shpërngulurit të Vavyllonësë.
12 Edhe pas të shpërngulurit Vavyllonësë, Jehonisë i lindi Sallathieli; edhe Sallathielit i lindi Zorovaveli;
13 Edhe Zorovavelit i lindi Aviudhi; edhe Aviudhit i lindi Eliakejmi; edhe Eliakejmit i lindi Azori;
14 Edhe Azorit i lindi Sadhuku; edhe Sadhukut i lindi Ahejmi;
15 Edhe Ahejmit i lindi Eliudhi; edhe Eliudhit i lindi Eleazari; edhe Eleazarit i lindi Matthani;
16 Edhe Matthanit i lindi Jakovi; edhe Jakovit i lindi Josifi burr’ i Marisë, që nga ajo lindi Jisui që thuhetë Krisht.
17 Gjithë brezatë pra që nga Avraami gjer mbë ditë të Dhavidhit, janë katër-mbë-dhietë
breza; edhe që nga Dhavidhi e gjer mbë të shpërngulurit të Vavyllonësë janë
katër-mbë-dhietë breza; edhe që nga të shpërngulurit’ e Vavyllonësë e gjer mbë ditë
të Krishtit janë katër-mbë-dhietë breza.
18 Edhe të lindurit’ e Jisu-Krishtit kështu ka qënë; passi u mbëlua e ëma e ati Maria me
Josifënë, përpara se të bashkoneshinë, u gjënt me barrë nga Frym’e Shënjtëruarë.
19 Edhe Josifi, burr’ i asaj, tuke qënë i drejtë, e tuke mos dashurë t’i nxjerrë asaj zërin e
lik, desh ta lëshonjë fshehurazi.
20 Po ay kur ishte tuke menduarë këto punë, ja ëngjëll’ i Zotit tek iu duk nd’ëndërrë, e i tha: Josif, i bir’ i Dhavidhit, mos u frikëso të marrç përanë vetëhesë gruanë tënde Mariamënë; sepse të mbarsuritë që u bë tek ajo është nga Frym’e Shënjtëruarë;
21 Edhe do të piellë bir, edhe do t’ia quanjç emërinë Jisu; sepse ay do të shpëtonjë llauzin’ e ti nga fajet’ e atyre.
22 (Edhe gjithë këjo u bë, që të mbushetë ç’është thënë nga Zoti me anë të profitit,
23 Që thotë. “Ja vërgjëresha te do të mbarsetë, edhe do të piellë bir, edhe do t’ia qjuanjën’ emërin’Emanuill”, që ajo këthyerë do me thënë Perëndia bashkë me ne).
24 Edhe Josifi si u squa nga gjumi, bëri sikundrë e urdhëroj ëngjëll’ i Zotit, edhe mori përanë vetëhesë gruan’ e ti.
25 Edhe nuk’e njohu atë, gjersa polli të birin’ e saj të parëlindurinë; edhe ia quajti emërinë Jisu.