KAPTINA V.
1 Plakunë mos e qartoish, por mësoje porsi atë; të ritë mësoi porsi vëllazën,
2 plakatë porsi ama, të ratë porsi motëra, me qish do farë pastërtie.
3 Ndero grat’ e veja, ato qi janë me të vërtetë të veja.
4 Edhe ndë pastë ndonji e ve dielm a nipën, le të mësojënë ma përpara shtëpin’ e vet të kenë besë të mirë, edhe t’u apinë shpagime përintvet, sepse këjo asht’ e mirë edhe e pëlqyeshime përpara Perëndisë.
5 Edhe ajo grue qi ashtë me të vërtetë e ve edhe mbetunë veç, shpëren mbë Perëndinë, edhe qindron ndë të lutunat e ndë të falunat nat’ e ditë.
6 Por ajo qi prish shumë, ndonësë rron, ka vdekunë.
7 Edhe porositi këto, qi të jenë të pazana me gojë për të keq.
8 Por ndë mos u mendoftë kushi ma përpara për të vërtet, edhe ma fort për të shtëpisë vet, ai ka mohuem besënë, edhe ashtë ma i keq se i pabesi.
9 E veja ma pak se gjashtë dhetë vieç le të mos vihetë ndë numërë të vejavet , qi ajo ka qenunë grue e nji burri,
10 edhe të bahetë deshmi për vepëra të mira: ndë past’ ushqyem dielm, ndë pastë pritunë të huej, ndë pastë lamë kambë shenjtënish, ndë u pastë ndimuen atyne qi kanë qenunë ndë shtrëngim, ndë i pastë ranë mbrapa qish do vepëre të mirë.
11 Por hiq dorë prei së vejavet ra, sepse kur të kënaqenë kundrë Krishtit, duenë me u martuem;
12 ato kanë mundim, sepse shkelnë besën’ e parë.
13 Edhe mbassi janë pa punë, mësohenë me votunë rreth ndëpër shtëpiat; edhe jo vetëm pa punë por edhe fjalë-shuma e kërkimsore, tue folun’ ato qi s’duhenë.
14 Due pra të ratë me u martuem, të bajënë dielm, të bahenë zonja shtëpie, të mos i apin’ anëmikut as ndonji shkak për me u përqeshunë.
15 Sepse disa prei asosh u këthyen’ e ranë mbrapa Satanait.
16 Ndë pastë të veja ndonji besëtar a besëtare, le t’u ndimojë atyne, edhe le të mos randohetë kisha, qi të mundetë me i ndimuem atyneve qi janë me të vërtetë të veja.
17 Pleqtë qi shikojënë mirë punën le të marrinë dy fijsh nderë, ma fort ata qi mundohenë me fjalë e me mësim.
18 Sepse shkronja thotë: “Mos i mbëçelish gojën kaut kur shin ndë lamët ”, edhe: “I vëjefshim ashtë punëtori për pagën’ e vet”.
19 Mos prit kallëzim kundrë plakut, veç ndë u baftë deshmi prei dy, a prei tre deshmitarësh.
20 Qarto përpara të gjithëve ata qi fëjejënë, qi të kenë frikë edhe të tierëtë.
21 Të ve mbë be përpara Perëndisë, edhe Zotit Iesu Krisht, edhe engjujvet sgjedhunë, qi t’i rueish këto pa bamë gjyq përpara, as të mos bajsh gja tue u pierrë mbë-nj-anë.
22 Mos vesh duertë përmbi ndonji shpeit, as mos merr piesë ndë faje të hueja; ruei vetëhenë tande të pastër.
23 Mos pi ma ujë, por pi pakëzë venë për plandësinë tand, edhe për të shpeshat sëmundat’ e tua.
24 Disa nierëzëve u kanë dalunë fajetë për faqe çë përpara, tue primë ndë gjyq, edhe disa të tierëve po u vinë mbrapa.
25 Por kështu edhe vepërat’ e mira disave u kanë dalunë për faqe, edhe ato qi janë tietërazi, s’mundenë me u mpshefunë.
1 Plakunë mos e qërtonjç, po mësoje posi atë; të ritë mësoi posi vëllezër,
2 Plakatë, posi mëma; të ratë, posi motëra, me çdo farë të qëruari.
3 Ndero grat’ e va, ato që janë me të vërtetë të va.
4 Edhe ndë pastë ndonjë e ve dielm a nipërë, le të mësonjënë më përpara shtëpin’ e tyre të kenë besë të mirë, edhe t’u apënë shpagime përintvet, sepse këjo ësht’e mirë edhe e pëlqyerë përpara Perëndisë.
5 Edhe ajo që është me të vërtetë e ve edhe mbeturë vetëmë, shpëren mbë Perëndinë, edhe qënderon ndë të luturat e ndë të falurat nat’ e ditë;
6 Po ajo që prish shumë, ndonëse rron, ka vdekurë.
7 Edhe porosit këto, që të jenë të pazënë me gojë për të ligë.
8 Po ndë qoftë ndonjë se nukë mendonetë më përpara për të titë, edhe më fort për të shtëpisë ti, ay ka mohuarë besënë, edhe është më i lik se i pabesi.
9 E veja më pak se gjashtë-dhietë vieç le të mos vihetë ndë numërët të vavet , edhe të ketë qënë grua e një burri,
10 Edhe të martirisetë për punë të mira; ndë pastë ushqyerë dielm, ndë pastë priturë të huajë, ndë pastë larë këmbë shënjtorësh, ndë u pastë ndihur’ atyreve që kanë qënë ndë shtrëngim, ndë i pastë rënë prapa çdo farë pune të mirë.
11 Po hiq dorë nga të vat’ e ra; sepse si të mërzitenë nga Krishti, duanë të martonenë;
12 Tuke pasurë mundim, sepse shkelnë besën’ e parë.
13 Edhe pasi janë të papuna, mësonenë të venë rrotullë ndëpër shtëpiat, edhe jo vetëmë të papuna, po edhe fialëshuma e kërkimsore, tuke folurë ato që s’gjanjënë.
14 Dua pra të ratë të martonenë, të bënjënë dielm, të bënenë zonja shtëpie, të mos i apën’ arëmikut asndonjë shkak për të përqeshurë.
15 Sepse ca nga ato u këthyenë e ranë prapa Satanajt.
16 Ndë qoftë se ndonjë besëtar a besëtare ka gra të va, le t’u ndihnjë atyreve, edhe le të mos rëndonetë qisha, që të munt t’u ndihnjë atyreve që janë me të vërtetë të va.
17 Pleqtë që shikonjënë mirë punënë le të nderonenë dy herë më tepërë, më fort ata që mundonenë me fialë e me mësim.
18 Sepse shkronja thotë: “Mos i mëçelsh gojënë kaut kur shin ndë lamët ”, edhe: “I vëjyer’ është punëtori për pagën’ e ti”.
19 Mos prit kallëzim kundrë plaku, veç përpara dy a tre martirëve.
20 Qërto ata që fëjenjënë përpara të gjithëve, që të kenë frikë edhe të tierëtë.
21 Të urdhëronj përpara Perëndisë, edhe Zotit Iisu Krisht, edhe ëngjëjvet sgjedhurë, që t’i ruanjç këto pa bërë gjyqë përpara, as të mos bënjç gjë tuke prierë mbënjanë.
22 Mos vërë duarë përmbi ndonjë shpejt, as mos u bën shok ndër faje të huaja; ruaj vetëhenë tënde të pastrë.
23 — Mos pi më ujë, po pi pakëzë verë për plëndësinë tënt, edhe për të shpesat sëmundëjet’ e tua .
24 Ca njerëzëve u kanë dalë fajetë për faqe që përpara, edhe shkonjënë përpara atyreve ndë gjyqë; edhe ca të tierëve po u venë prapa.
25 Po kështu edhe punërat’ e mira cave u kanë dalë për faqe; edhe ato që janë tjetrazi, nukë munt të fshihenë.