1 Këngë shtegtimesh.
Në fatkeqësi i thirra Zotit
e ai m'u përgjigj.
2 O Zot, shpëtomë prej buzëve gënjeshtare,
dhe prej gjuhës mashtruese.
3 Ç'do të marrësh e ç'do të fitosh,
o gjuhë mashtruese?
4 Shigjeta të mprehta luftëtari
me thëngjij të ndezur dëllinje.
5 I mjeri unë që banoj në Meshek
e rri ndër tendat e Kedarit.
6 Tepër gjatë ka jetuar shpirti im
me njerëz që urrejnë paqen.
7 Unë jam për paqen,
por, kur flas, ata kërkojnë luftë.
Kank’ e shkallëvet.
1 Ndë shtrëngim t’em i bërtita Zotit, edhe më ndëgjoi.
2 O Zot, shpëto shpirtinë t’em prei buzësh shtrembëta, edhe prei gjuhe gënjeshtare.
3 Qish ka me të dhanë, a qish ka me të shtuem gjuha gënjeshtare?
4 Shigjetat’ e prefëta e të fortit, bashkë me thëngjij dullenje.
5 Mjeri unë, qi rri i huej ndë Meseh, rri ndë tendat të Kedarit!
6 Shumë kohë ndenji shpirti em bashkë me ata qi kanë mëni paqtiminë.
7 Unë due paqtiminë, por kur flas, ata bahenë gati për luftë.